आजकाल ऊ विशेष खुशी छ । विगत एक हप्तादेखि उसकाे मालिकले भाेजनमा हरियाे डाले घाँस र खाेलेमा समेत बृद्धि गरेकाे छ । खाेलेमा नुनकाे मात्रा पनि अलि बढाएकाेले पहिलेभन्दा अझ उसलाई स्वादिलाे लागेकाे छ । ऊ आफ्नाे खानपानमा मालिककाे विशेष ध्यान गएकाे देखेर दंगदास भएकाे छ र अति प्रफुल्लित पनि छ । ऊ आफ्नाे सुखमय जीवन देखेर दंग छ र सुखद भविष्य सम्झेर अझ आनन्दित भएकाे छ ।
ऊ सम्झन्छ, उसकाे मालिककाेमा तीन महिनाकाे ख्याउटे सानाे पाठाेकाे रूपमा आगमन भएकाे थियाे । आमासँग छुट्टिएकाे पीडा समेत मालिककाे माया, स्याहार र खानपिनले उसलाई छिट्टै भुलाई दिएकाे थियाे । ऊ छिट्टै हलक्क बढ्याे र लक्का बाेका हुने बेला खसी पनि बनाई हाल्याे । याे करीब तीन महिनाभित्रै भयाे र छ महिनाकाे उमेरमा ऊ खसी भई सकेकाे थियाे । अव मालिकले उसकाे खानपान, दानापानी र स्याहारमा अझ विशेष ध्यान पुर्याउन थालेकाे थियाे । राम्राे हरियाे डाले घाँस, खाेले कुँडाे र बेला बेलामा भटमास चनासमेत उसकाे खान्कीमा थपिएकाे थियाे । एक वर्षकाे उमेरमा ऊ लक्का खसी बनिसकेकाे थियाे । मालिककाे छाेराले बेला बेलामा उसलाई घाेडा बनाउँदा मालिकले उसकाे मासु घटाउन खसीमाथि चढेकाे भनी छाेरालाई गाली गरेकाे उसलाई त्यति निकाे लाग्दैनथ्याे । मालिककाे छाेरासँग खेल्दा उसलाई पनि मजा नआउने भने हाेइन । तर मालिककाे माया र स्याहार देखेर ऊ दंगदास थियाे । यस्ताे सुखमय जीवन जिउँन पाउँदा उस्ले आफूलाई अति भाग्यमानी ठानेकाे थियाे र मनमनै यस्ताे जीवन जिउने अवसर दिएकाेमा ऊ मालिकलाई आभार पनि व्यक्त गर्दथ्याे । साथै, आफ्नाे सुखद भविश्यकाे कल्पनामा दंगदास पनि थियाे ।
आज पन्ध्र महिनापछि अचानक किन यस्ताे भैराछ । विहानकाे भाेजन अझै आएकाे छैन । यत्तिकैमा मालिकले थाेरै नुन पानी ल्याएर उसलाई ख्वाउनु भयाे । यस्ताे के असुभ हुन लागेकाे हाे । मालिककाे छाेरा हातमा चंगा बाेकेर आँगनमा यता र उता कुदिरहेकाे छ । अरू दुई जना लाठे पनि आँगनमा उभिएका छन् । एउटाकाे हातमा खुँडा तरबार पनि छ । केही गफ भएकाे जस्ताे, सर सल्लाह गरे जस्ताे देखिन्छ । केही छिनपछि मालिकले किलाेबाट दाम्लाे छुट्टयाएर उसलाई डाेर्याउदै आँगनमा पुर्याउनु भयाे । एकजना लाठेले उसकाे ढाँडमा समाएर पन्ध्र धार्नी त पक्का छ काका यस्काे भन्नुभाे ।अर्काे लाठेले उसकाे खुट्टा समाएर तनक्क तन्काउनु भाे र मालिकले दाम्लाे तन्काउनु भाे।
(I have contextualized Bertrand Russel's "Chicken Problem (Nicholas Taleb's " Turkey Problem") to show the events which come as Surprise in this story. It is also the part of Hume's Induction Problem. Discussion is always welcome.)
